طلب استلام بالتليفون: ميعاد للمطبخ وتغيير العنوان

إيه المشكلة في طلب «هعدّي آخده الساعة ٨»؟

الزبون بيكلّم ويقول «جهّزهولي الساعة ٨». لو الطلب دخل المطبخ دلوقتي الأكل هيبرد على الرف، ولو اتنسى في ورقة مش هيبقى جاهز لما الزبون يوصل. ولو الزبون كلّم تاني يقول «خليها ٨ ونص»، محدش عارف الورقة فين.

• الطلب من غير رقم الزبون ⇒ مالكش طريقة توصله لو فيه حاجة.
• المطبخ مايعرفش الميعاد ⇒ يا بيبدأ بدري يا متأخر.
• تغيير الميعاد شفهي ⇒ يضيع بين الكاشير والمطبخ.

إزاي أسجّل طلب استلام بميعاد للمطبخ؟

1. موبايل الزبون (إجباري) — لو مسجّل قبل كده اسمه بيتملى لوحده، ورقم جديد = عميل جديد.
2. الاسم ووقت الاستلام.
3. النافذة بتقولك «هيتبعت للمطبخ الساعة …» قبل ما تأكّد.
4. الطلب بيترِبط بسجل العميل، فالمرة الجاية بيبان في تاريخه.

الدقايق اللي الطلب بيدخل بيها المطبخ قبل الميعاد بتتظبط من الإعدادات (على مستوى الفرع أو المنشأة)، والافتراضي ٢٠ دقيقة.

زرار «تغيير الميعاد» موجود في «الأخيرة» وفي كرت «الاستلام» لأي طلب لسه ماتسلّمش، من جوّه شاشة البيع. وكرت المتصل بقى فيه ٣ أزرار: توصيل · استلام محل · تيك أواي.

ينفع أغيّر عنوان التوصيل بعد ما الطلب دخل المطبخ؟

أيوه — حتى لو الطيار خرج بالطلب. من «الديسباتشر» أو «الأخيرة» زرار «تغيير العميل/العنوان»: تختار عنوان من عناوين العميل أو تكتب عنوان جديد، والنافذة بتوريك قبل التأكيد:

بعد «تأكيد» بيطلع إيصال/بون جديد مكتوب عليه «معدّل» بالعنوان الجديد على نفس طابعة الأصل، فالطيار ماشي بالعنوان الصح. وبتتحط رسالة للعميل إن عنوانه اتعدّل في طابور الرسايل.

وتعديل أصناف طلب التوصيل بعد ما اتبعت للمطبخ؟

من الديسباتشر زرار «تعديل» بيفتح طلب التوصيل في سلة نقطة البيع. تزوّد أو تمسح أصناف، والمسح أو تقليل الكمية بيتعلّق على الشاشة ومفيش ورق بيطلع لحد ما تدوس «إرسال التعديل للمطبخ» — فالمطبخ بيستلم الفرق مرة واحدة. ولو خرجت من غير إرسال بيسألك «تبعتها ولا تلغيها؟»، و«الغيها» بترجّع الطلب زي ما كان.

ولأخطاء طلبات التليفون عموماً — الرقم الغلط والعنوان الناقص — اقرا مقال «طلبات التليفون في المطعم: ٦ غلطات بتضيّع فلوس».

إمتى التغيير ده بيترفض؟